Жаңалықтар мен оқиғалар
КӨПБАЛАЛЫ АНАМЕН КЕЗДЕСУ
Облыстық халық шығармашылығы орталығының ұйымдастыруымен кәсіби медиатор, «Патриоттық белсенділігі», «Ұлағатты ұстаз» төсбелгілерінің иегері, өмірден көргені мен көңілге түйгені мол жан Бибігүл Әбілдаеваның қатысуымен қаладағы №57 жалпы білім беретін орта мектебінде кездесу өтті.
Кездесуде сөз сөйлеген Бибігүл Әбдішүкірқызы отбасында ұлттық салт-дәстүрлерді дәріптеу, ата-ананы сыйлау, ер балаларды қыздарға құрметпен қарауды, олардың алдында дөрекі сөйлемей, ізет сақтау маңызды екендігін атап өтті. Оқушылар да өз ойларын білдіріп, сұрақтарын қойып, белсенділік танытты.Қазақта «Қыз өссе – елдің көркі» деген қанатты сөз бар.
