«Облыстық халық шығармашылығы орталығы» МКҚК

          Әйтеке би аудандық "Целинник" мәдениет үйінің ұйымдастыруымен "Рухани жаңғыру бағдарламасының 5 жылдығы аясында  “Асыл әжелер” халықтық ансамблінің есептік концерті өтті. 
          "Қарты бар үйдің қазынасы бар» дегендей өнерпаз әжелер тек ән айтып ғана қоймай, аудан мәдениетінің дамуына өз үлестерін қосып, сондай-ақ салт-дәстүрімізді, қолөнерімізді, отбасы тәрбиесін жас ұрпаққа насихаттап келеді. Атап айтсақ, сахнада олар жүн сабап, ұршық иіріп, қазақылықтың исін аңқытқан әдемі көріністерін де паш етті.
          Ансамбль мүшелері белсенді. Мәдени іс-шаралардан бөлек, кездесу кештеріне қатысып, жастарға қазақтың ұлттық салт-дәстүрлері жайлы, отбасы құндылықтары туралы ақыл-  кеңестерін айтып отырады. 
          Ал әжелерді өнерпаз Жаналы Сералин мен аудандық мәдениет және тілдерді дамыту бөлімінің басшысы Анар Әбенова да баянмен сүйемелдеп, кештің көркін келтіре түсті.

Концерт соңында ауданның құрметті азаматы Ақансері Ермағамбет тілегі мен естеліктерін айтып, алғысын жеткізді.

          Ел арасында халқымыздың ән-жырын дәріптеп, дәстүр сабақтастығын жал­­­­ғауды мақсат еткен әжелер қан­дай да құрметке ­лайық.