«Облыстық халық шығармашылығы орталығы» МКҚК

Ұлттық айтыс өнерін дамыту, жас ақындардың суырыпсалмалық қабілетін шыңдау мақсатында жеребе айтыс ұйымдастырылды. Айтыс жұмыс форматында өтіп, ақындар қарсыластарын жеребе арқылы анықтап, өзара шығармашылық шеберліктерін сынады.

Айтыс барысында қатысушылар елдік тақырыптарды, ұлттық құндылықтарды және қоғамдағы өзекті мәселелерді жырға қосып, суырыпсалмалық өнердің дәстүрлі үлгілерін көрсетті. Әр жұптың айтысы мазмұнды ой мен көркем сөзге құрылып, шығармашылық тәжірибе алмасуға мүмкіндік берді.

Аталған жеребе айтыс айтыскер ақындардың кәсіби деңгейін арттыруға, айтыс дәстүрін жүйелі түрде дамытуға бағытталған маңызды шығармашылық жұмыс ретінде өтті.