«Облыстық халық шығармашылығы орталығы» МКҚК

Ұйықтап жатқан жүректі ән оятар,

Үннің тәтті оралған мәні оятар.

Кейі зауық, кейі мұң, дертін қозғап,
Жас балаша көңілді жақсы уатар – деп ұлы Абай айтқандай, әсіресе балаларға халықтық музыканы үйретіп, бүгінгі ұрпақты қазағымыздың баға жетпес мол мәдени мұрасымен сусындата беру маңызды. Осы орайда облыстық халық шығармашылығы орталығы «Әдеп» халықтық тобының мүшесі, әнші, термеші Құралай Әленова балаларға домбырамен ән айту үйірмесін жүргізіп келеді.

Мақсат – балаларға қазақтың музыкалық аспабы домбырамен ән айтуды үйрету арқылы ұлттық құндылықтарымызды бойына сіңірген ұрпақ тәрбиелеу.